Қуйида кўрсаткичлар орқали меҳмонхоналар сонининг ўсиш даражасини келтириб ўтамиз:
- 2017 йил якунида 753 жойлаштириш воситасида 19 245 хона ва 38 234 ўрин ташкил этилган;
- 2018 йил якунига келиб, 894 жойлаштириш воситасида 21 074 хона ва 42 594 ўринга етган;
- 2019 йил якунида 1 188 жойлаштириш воситасида 26 147 хона ва 54 799 ўринни ташкил этган;
- 2020 йил охирида эса ушбу кўрсаткич 1 308 жойлаштириш воситасида 29 218 хонада 61 506 ўрин ташкил этилган.
- 2021 йилда 22 та жойлаштириш воситаси ишга тушган.
- 2021 йил якунига қадар республикамиз вилоятлари кесимида яна 150 дан ортиқ жойлаштириш воситалари барпо этилиши режалаштирилган.
Таъкидлаш жоизки, 2019 йилдан ҳозирга қадар республика бўйича жами 8 та 3 юлдузли (***) меҳмонхонага жами 606 та хона учун давлат бюджети ҳисобидан умумий миқдорда 24 240 000 000 сўм субсидия маблағлари ажратилган.
Маълумот ўрнида: Президент Шавкат Мирзиёевнинг «Коронавирус пандемиясининг салбий таъсирини камайтириш учун туризм соҳасини қўллаб-қувватлашга доир кечиктириб бўлмайдиган чора-тадбирлар тўғрисида»ги фармони ва Вазирлар Mаҳкамасининг «Коронавирус пандемияси туфайли юзага келган иқтисодий вазиятда туризм соҳаси субъектларини қўллаб-қувватлаш ва туризм инфратузилмасини ривожлантириш тўғрисида»ги қарорлари ижроси йўлида турли субсидия ва имтиёзлар ажратилмоқда.
