Путин: Саммит бекор қилинмади, балки кечиктирилди

“Мен бу баёнот билан танишман. АҚШ Президенти ушбу учрашувни бекор қилишга ёки кейинга қолдиришга қарор қилди. Эҳтимол, у уни кейинга қолдириш ҳақида гапиряпти. Нима дейиш мумкин? Мулоқот ҳар доим ҳар қандай қарама-қаршиликдан, ҳар қандай низолардан ёки айниқса урушдан яхшироқдир. Шунинг учун биз ҳар доим давом этаётган мулоқотни қўллаб-қувватлаганмиз ва буни давом эттирмоқдамиз”, деб таъкидлади Путин.

“Мен ҳам, Америка Президенти ҳам бунга енгил ёндашиб, бу учрашувни кутилган натижасиз тарк этишимиз хато бўларди”, деб қўшимча қилди Россия Президенти.

У Будапештдаги саммит АҚШ томонидан таклиф қилинганини ва икки томонлама келишувга кўра, Давлат котиби Марко Рубио ва Ташқи ишлар вазири Сергей Лавров олдиндан учрашиши режалаштирилганини эслатди, деб хабар берди dw.com.

Путин: Санкциялар Россия ва АҚШ ўртасидаги муносабатларга путур етказди

Россияга қарши янги Америка санкцияларига келсак, Путин “улар биз учун жиддий ва маълум оқибатларга олиб келишини” тан олди. Шу билан бирга, у бу санкциялар Россиянинг “иқтисодий фаровонлигига” “сезиларли таъсир кўрсатмаслигига” ишонади. “Бу Россияга босим ўтказишга уриниш. Аммо ҳеч бир ўзини ҳурмат қиладиган мамлакат ёки ўзини ҳурмат қиладиган халқ ҳеч қачон босим остида бирор нарсага қарор қилмайди”, деб давом этди Россия етакчиси.

Путиннинг сўзларига кўра, янги чекловлар “энди тиклана бошлаган Россия-Америка муносабатларини мустаҳкамламайди”. “Бундай ҳаракатлар билан АҚШ маъмурияти Россия-Америка муносабатларига зарар етказмоқда”, дея таъкидлади Россия Президенти.