Ўтказилган тергов ва тезкор қидирув тадбирлари давомида ушбу жиноятни содир этишга алоқадор бўлган шахсларнинг яна уч нафари аниқланиб, гумонланувчи тариқасида ушланди.

Эслатиб ўтамиз, шу йил 26 октябрь куни Қибрай туманида фуқаро С.С. бошқарувидаги «Range Rover» русумли автомашинага қарата 2 нафар номаълум шахс ўқотар қуролдан бир неча маротаба ўқ узиб, қасддан одам ўлдиришга суиқасд қилиб, номаълум томонга яширингани ва мазкур ишга алоқадорликда гумон қилинган бир нафар шахснинг қўлга олингани хабар қилинган эди.