Шу кунларда Қувайтда қиличбозлик бўйича Осиё чемпионатининг ёшлар ўртасидаги баҳслари бўлиб ўтмоқда.
Қувонарлиси ушбу баҳсларда Ўзбекистон терма жамоаси олтин ва бронза медалларига сазовор бўлди.
Айни пайтда сабля бўйича эркаклар терма жамоамизнинг етакчиси бўлиб турган Муса Аймуратов ўз ёш тоифасида қитъа биринчилигида тенгсиз эканини кўрсатиб, олтин медални қўлга киритди.
Аймуратовга ярим финалда имкониятни бой берган Исламбек Абдазов эса бронза медалига эга чиқди.
Туркиянинг Истанбул шаҳрида қиличбозликнинг сабля йўналиши бўйича Satellite таснифидаги мусобақа ўтказилди. Унда иштирок этган Ўзбекистон терма жамоаси аъзоларидан Муса Аймуратов бронза медали билан тақдирланди.
Хитойнинг Уси шаҳрида қиличбозлик бўйича ўсмирлар ва ёшлар ўртасидаги жаҳон чемпионатининг жамоавий дастурида иштирок этган саблячи ёшларимиз қизлар ва йигитлар ўртасидаги дастурларда бронза медалларига сазовор бўлди.
