Бу ҳақда мамлакат Фавқулодда вазиятлар вазирлиги маълум қилди.
“Боткен вилоятининг Қадамжой туманида селдан кейин 1 мингга яқин маҳаллий аҳоли эвакуация қилинди”, дейилади хабарда.
Табиий офат оқибатларини бартараф этиш учун маҳаллий аҳолига ёрдам кўрсатиш учун Фавқулодда вазиятлар вазирлигининг алоҳида қидирув-қутқарув гуруҳи мутахассислари, шунингдек, оғир техника ва тиббиёт ходимлари фавқулодда ҳолат ҳудудига жўнатилди.
Республика Фавқулодда вазиятлар вазирлиги бошлиғи Бообек Ажикеев топшириғига кўра вазирликнинг Аҳоли ва ҳудудларни муҳофаза қилиш бошқармаси бошлиғи Асан Сулаймонов Фавқулодда вазиятлар вазирлиги тегишли хизматлар фаолиятини мувофиқлаштириш учун Боткен вилоятига юборилди.
Кучли ёмғирдан кейин Боткен вилоятидаги тоғлардан сел келди. Ҳалок бўлганлар ва жароҳатланганлар йўқ, деб хабар беради report.az.
