Қозоғистон Республикаси Ички ишлар вазирлиги маъмурий полиция қўмитасининг профилактика ишлари бўлими бошлиғи Руслан Каржаспековнинг сўзларига кўра, қонун лойиҳаси аллақачон Сенатда кўриб чиқилмоқда.

Ҳозирда носвой сотиш Маъмурий жавобгарлик тўғрисидаги кодекс (196-модда “Товар ёки бошқа буюмлар билан ноқонуний савдо қилиш”) бўйича жазоланади. Жазо сифатида 92 300 тенге миқдорида жарима қўлланилмоқда, деб хабар беради forbes.kz.

– Ҳозирда Сенатда Соғлиқни сақлаш вазирлиги ташаббуси билан ишлаб чиқилган қонун лойиҳаси кўриб чиқилмоқда. Унда носвой ва вейпни тарқатганлик учун жиноий жавобгарлик назарда тутилган, – деди Руслан Каржаспеков.