Қайд этилишича, ўтказилган ўрганишларда Тошкент, Сурхондарё ва Фарғона вилоятлари ҳудудий бошқармалари томонидан жами 3 та “Ayub travel tours” МЧЖ, “Bilolbek travel” МЧЖ ва “Vodiy Siddiq Travel” МЧЖ туроператорлар томонидан лицензия ҳужжатлари мавжуд бўлмаган ҳолда рекламалар жойлаштирилганлиги ва бу билан “Реклама тўғрисида”ги Қонуннинг талаблари бузилганлиги юзасидан белгиланган тартибда иш қўзғатилиб, молиявий жарималар қўлланилди.

Шунингдек, Наманган вилоятида яшовчи 6 нафар фуқаролар (Ш.М.Дехқонов, Б.Б. Бадиридинов, А.А.Абдуллаев, А.А.Ғоффоров, М.И.Авлияев, У. Ғ. Отабоев) томонидан ижтимоий тармоқлар орқали “Умра” зиёрати рекламаларида ҳам юқоридаги каби қонунчилик талаблари бузилиши юзасидан маъмурий жавобгарликка тортилди.