Ўзбекистон делегацияси Германияда ниҳоясига етиб бораётган Бутунжаҳон ёзги Универсиада ўйинларидаги иштирокини якунлади. Бугунги баҳсларда қатнашган енгил атлетикачимиз Шарифа Давронова олтин медалга сазовор бўлди.
Уч ҳатлаб сакраш дастурида иштирок этган Давронова 14,33 метрга сакраб, фаолиятидаги энг яхши натижани қайд этишга ҳам муваффақ бўлди.
Шу тариқа, Ўзбекистон делегацияси мазкур Универсиада ўйинларида 4 та олтин, 4 та кумуш ва 7 та бронза медалларини жамғариб, ўз тарихидаги энг яхши натижани кўрсатди.
