Маълумки, ўзбек театр санъатини жаҳон талаблари даражасига кўтариш, республика театрларда бадиий баркамол саҳна асарлари сонини ошириш мақсадида театрларда хорижий драматургиянинг нодир дурдоналари саҳналаштирилиб келинмоқда.
Жумладан, жорий йилнинг 4-февраль куни Бухоро вилояти мусиқали драма театрида Шекспирнинг “Ричард III” асари асосида яратилган спектакль намойиши бўлиб ўтди.
Спектакль Ўзбекистон Республикаси Маданият ва туризм вазири ўринбосари Б.Ахмедов ва бир гуруҳ ҳайъат аъзолари томонидан муҳокама этилди ва ижобий баҳоланди.
Мазкур саҳна асари таниқли режиссор, Ўзбекистонда хизмат кўрсатган артист Валихон Умаров томонидан саҳналаштирилган.
Спектаклнинг премераси санаси тез орада маълум қилинади.
