Ўзбекистон Республикаси президентининг ёрдамчиси Саида Мирзиёева Қозоғистон Республикасига ташриф доирасида Қозоғистон Республикаси Давлат маслаҳатчиси Ерлан Карин билан учрашув ўтказди.
Учрашув давомида икки томонлама, минтақавий ва кўп томонлама муносабатларнинг долзарб масалалари муҳокама қилинди.
Асосий йўналишларда яқиндан мулоқотни йўлга қўйиш ва мустаҳкамлаш истиқболлари, жумладан, маданий ва халқ дипломатияси соҳасида, шунингдек, ахборот сиёсати борасида ҳамкорликдаги саъй-ҳаракатларни мувофиқлаштириш юзасидан фикр алмашилди.
Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов ва БМТ Тараққиёт дастурининг Ўзбекистондаги доимий вакили этиб тайинланган Акико Фужии ўртасида учрашув бўлиб ўтди.
Тожикистон Республикаси Ҳукумати қошидаги Атроф-муҳитни муҳофаза қилиш Қўмитаси мутахассисларидан иборат делегация Экология, атроф-муҳитни муҳофаза қилиш ва иқлим ўзгариши вазирлиги тизимидаги Давлат экологик экспертизаси марказига ташриф буюрди.
