Самарқандда туризм масканларига олиб борувчи экспресс автобус йўналишлари ташкил этилади

    Транспорт вазирлиги хабарига кўра, Самарқандда 4 йўналишда шаҳар экспресс автобус йўналишлари ташкил этилади.

    Улар:

    1 Е-сонли “Темир йўл вокзали – Конигил туризм қишлоғи”;

    2 Е-сонли “Амир Темур мақбараси – Боқий шаҳар туризм маркази”;

    3 Е-сонли “Амир Темур мақбараси – Аэропорт”;

    4 Е-сонли “Амир Темур мақбараси – Хўжа Дониёр зиёратгоҳи”.

    Шунингдек, 2 Е-сонли “Амир Темур мақбараси – Имом ал-Бухорий зиёратгоҳи” шаҳар атрофи экспресс автобус йўналиши очилади.

    2024 йилнинг 23 январь куни Самарқанд вилояти ҳудудидаги шаҳар ва шаҳар атрофи экспресс автобус йўналишларини бириктириш бўйича электрон тарзда очиқ тендер ўтказилади.

    Тендерда қатнашиш учун таклифлар талабгорлар томонидан e-tender.uztrans.uz ахборот тизими орқали тақдим этилади.