Пиёдаларга йўл бермаган автобус ҳайдовчиси ишдан бўшатилди

Ҳолат юзасидан Тошшаҳартрансхизмат АЖ матбуот хизмати изоҳ берди.

Маълум қилинишича, “2-автобус саройи” филиалига бириктирилган 136-сонли автобус ҳайдовчиси А.Н. Олмазор тумани Сақичмон кўчаси бўйлаб ҳаракатланаётган вақтда йўл ҳаракати қоидалари талабларини қўпол равишда бузган.

Ҳайдовчи тартибга солинган пиёдалар ўтиш жойидан ўтаётган пиёдаларга йўл бермай, йўл қатнов қисмининг ўнг томонидан ҳаракатланган.

Ҳозирда ҳайдовчи A.Н. билан “2-автобус саройи” филиали ўртасида тузилган меҳнат шартномаси бекор қилинган.

“Шунингдек, барча ҳайдовчилар билан йўловчиларни хавфсиз ташиш ва уларни ўз манзилларига соғ-омон етказиб қўйиш энг олий мақсадимиз эканлиги, йўловчилар билан хушмуомалада бўлишлик, хизмат кўрсатиш маданиятини ошириш юзасидан яна бир бор тушунтириш ишлари олиб борилиб, ҳайдовчилар устидан назорат кучайтирилди”, дейилади хабарда.

Янги йил байрамидаги дам олиш кунлари Тошкентда автобуслар қандай ҳаракатланади?

«Тошшаҳартрансхизмат» АЖ ахборот хизмати Янги йил байрамидаги дам олиш кунлари пойтахтда автобус йўналишлари қай жадвал асосида ҳаракатланишини маълум қилди.

Автобус йўлагида қоидабузганлар жарима тўлайди

Депутатлар томонидан жамоат транспортидан фойдаланиш самарадорлигини оширишга қаратилган қонун лойиҳаси фракциялар муҳокамасига киритиш учун тайёрланмоқда.

Олмалиқ автошоҳбекати фойдаланишга топширилди

Тадбиркорлик субъектининг 4.5 млрд сўм маблағлари ҳисобига замонавий кўринишга келтирилган автошоҳбекатда аҳоли ва ҳайдовчилар учун барча шароитлар яратилган бўлиб, она бола хонаси, тиббиёт хонаси зарур жиҳозлар билан жиҳозланган.

Шаҳарлараро автобус йўналишларида зарарларни қоплаб бериш режалаштирилмоқда

30 октябрь куни Вазирлар Маҳкамасининг «Шаҳар атрофи ва вилоят ичи шаҳарлараро мунтазам автобус йўналишларида кўрилган зарарларни қоплаб бериш тизимини такомиллаштириш чора-тадбирлари тўғрисида»ги қарори қабул қилинди.

Фарғона шаҳрида янги автобуслар йўловчиларга хизмат кўрсатишни бошлади

Шу йилнинг август-сентябрь ойларда Фарғона вилоятига ташувчи корхоналар томонидан Хитойда ишлаб чиқарилган экологик тоза жами 48 дона замонавий автобуслар олиб келинган эди.