Тошкент вилояти аҳолисига транспорт хизматлари кўрсатишни яхшилаш мақсадида 1000 та янги автобус харид қилинади.
Бу ҳақда вилоят ҳокими Зойир Мирзаев «Ҳокимлик соати»да вилоят мутасаддиларига топшириқ берди.
Вилоят транспорт бошқармаси аҳоли фикрини ўрганиб, унинг асосида вилоятнинг маъмурий маркази Нурафшон шаҳрини вилоятнинг барча шаҳар ва туманлари билан боғлайдиган янги автобус йўналишларини ташкил этади.
Қайд этилишича, янги ташкил этилаётган йўналишлар учун Нурафшон шаҳри йўловчи транспортининг логистика маркази бўлади.
Тадбиркорлик субъектининг 4.5 млрд сўм маблағлари ҳисобига замонавий кўринишга келтирилган автошоҳбекатда аҳоли ва ҳайдовчилар учун барча шароитлар яратилган бўлиб, она бола хонаси, тиббиёт хонаси зарур жиҳозлар билан жиҳозланган.
30 октябрь куни Вазирлар Маҳкамасининг «Шаҳар атрофи ва вилоят ичи шаҳарлараро мунтазам автобус йўналишларида кўрилган зарарларни қоплаб бериш тизимини такомиллаштириш чора-тадбирлари тўғрисида»ги қарори қабул қилинди.
Тошкентда иккита “Yutong” русумли автобуслар Янги ҳаёт туманидаги тартибга солинмаган темирйўл кесишмасига етмасдан Қурувчилар кўчаси улгуржи бозор бекатига бурилаётган вақтда бир-бири билан тўқнашиб йўл транспорт ҳодисаси содир этган.
