Учрашувда АКТ вазирлиги ходимлари ва халқаро университетдан иборат делегация ҳам иштирок этди.

Учрашувда Ўзбекистонда таълим соҳасининг ривожланиши билан танишиш, шунингдек, ҳамкорлик имкониятлари муҳокама қилинди.

Таъкидлаш керакки, Америка Халқаро университети – Бангладеш (AXUB) (American International University - Bangladesh (AIUB)) 1994 йилда Дакка шаҳрида ташкил этилган. Бугунги кунда университетда 9 500 дан ортиқ талаба таҳсил олади.

Профессор-ўқитувчилар таркиби маҳаллий ва хорижий мутахассислар – 350 нафар ўқитувчилардан иборат. Университетда 4 та факультет ва 16 та халқаро аккредитациядан ўтган дастурлар мавжуд.

Учрашув давомида икки томонлама таълим ва ахборот технологиялари соҳаларида лойиҳа ҳамда истиқболли чора-тадбирлар, шунингдек, АКТ соҳаси учун малакали кадрлар тайёрлаш, илғор лойиҳаларни амалга ошириш масалаларига эътибор қаратилди, деб хабар беради Ахборот технологиялари ва коммуникацияларини ривожлантириш вазирлиги матбуот хизмати.