Шофиркондаги янги корхонада мингдан ортиқ иш ўрни яратилди

    Ҳукумат 17 феврал 2023 3577

    Президент Шавкат Мирзиёев Шофиркон туманидаги “Бухара Азтекс” тикувчилик корхонаси фаолияти билан танишди.

    Илгари бу туманда саноат умуман йўқ эди. Қишлоқ хўжалигидаги янгиланишлар, кластер тизими натижасида бу ерда ҳам саноат пайдо бўлди. Ҳозир биргина пахтадан ип, калава, мато, тайёр кийимлар, чигитдан ёғ, совун, озуқа ва бошқа ўнлаб маҳсулотлар ишлаб чиқарилмоқда.

    “Бухара Азтекс” ана шундай замонавий корхоналардан. Бу ерда пахта етиштириш ва уни чуқур қайта ишлашнинг тўлиқ занжири йўлга қўйилган. Шу боис маҳаллийлаштириш даражаси 100 фоизга етган.

    Лойиҳанинг қиймати 8,7 миллион доллар. Ускуналар Япония, Германия ва Туркиядан келтириб ўрнатилган. Минг нафардан ортиқ киши иш билан таъминланган.

    Корхонада йилига 16 миллион дона тайёр тикувчилик маҳсулотлари ишлаб чиқарилади. Уларнинг 50 фоизини хорижга экспорт қилиш мўлжалланган.

    Давлатимиз раҳбари корхонада тайёрланаётган маҳсулотлар сифатини кўздан кечирди, ишчилар билан мулоқот қилди.

    Яна бир муҳим жиҳати, корхона томига қуёш панеллари ўрнатилган. Президент бу каби замонавий корхоналарни кўпайтириш, аҳоли бандлигини таъминлаш юзасидан мутасаддиларга кўрсатма берди.

    No date selected
    март, 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates