Бу ҳақда вилояти Экология бошқармаси матбуот хизмати хабар берди.
Қайд этилишича, вилоятнинг Мирзаобод туманида ўтказилган навбатдаги рейд тадбири давомида фуқаро К.А. ҳеч қандай рухсатномасиз ноқонуний равишда ов қуроли билан 5 дона қирғовул отгани аниқланди.
Ушбу ҳолат юзасидан Ўзбекистон Республикасининг Маъмурий жавобгарлик тўғрисидаги кодекснинг 90-моддаси 4-қисми билан тегишли баённома расмийлаштирилиб, ноқонуний овчи томонидан ҳайвонот дунёсига етказилган зарар эса 3 миллион 750 минг сўм деб белгиланди. Расмийлаштирилган баённома, тупланган ҳужжат эса Жиноят ишлари бўйича Мирзаобод туман судига чора кўриш учун юборилди.
