Сирдарё вилояти Экология, атроф муҳитни муҳофаза қилиш ва иқлим ўзгариши бошқармасининг давлат инспекторлари томонидан Сирдарё тумани ҳудудида рейд тадбири ўтказилди.
Ўтказилган рейд тадбирларида Сирдарё туман “Камолот“ МФЙ ҳудудининг муҳофаза майдонидан фуқаролар Х.Х ҳамда Ч.И томонидан ҳеч қандай рухсатномасиз қум маҳсулотини ортиш ташиш билан шуғулланаётганлиги ҳолати аниқланди.
Аниқланган ҳолат юзасидан фуқароларга нисбатан МЖтКнинг 70-моддаси 1-қисми билан маъмурий баённома расмийлаштирилиб жарима қўлланилди. Шунингдек, автотранспорт воситалар жарима майдонига жойлаштирилди.
7–11 октябрь кунлари Экология, атроф-муҳитни муҳофаза қилиш ва иқлим ўзгариши вазири ўринбосари Искандар Қутбиддинов бошчилигидаги делегация Корея Республикасининг Сеул шаҳрида бўлди.
Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов долзарб экологик муаммоларни ҳал қилиш бўйича ҳамкорликни янада мустаҳкамлаш мақсадида хорижий давлатларнинг Ўзбекистондаги элчилари билан қатор учрашувлар ўтказди.
