Деярли барча чизмаларда қорамоллар тасвирланган. Бу расмлар “яшил” Саҳрои Кабир даврида яшаган қадимги чорвадорлар томонидан чизилган, деб тахмин қилинмоқда.
Замонавий Судан ҳудудида маҳаллий кўчманчилар 8-7 минг йил олдин чорвачилик билан шуғуллана бошлаган. Олимларнинг фикрича, улар бу амалиётни шимолий қўшнилари, Миср ва Яқин Шарқ халқларидан ўзлаштирган.
Аммо тахминан 3 минг йил олдин иқлим кескин ўзгара бошлади. Кўллар ва дарёлар қуриб, яйловларни қум ютиб юборди. Маҳаллий қабилалар бошқа ҳудудларга, хусусан, Нил водийсига кўчиб ўтган, деб хабар беради mir24.tv.
