Институтда янги ўқув йили бошланиши арафасида 1500 ўринли ўқув биноси, 700 ўринли талабалар турар жойи ҳамда замон талабаларига мос спорт маркази фойдаланишга топширилди.

Маълумот ўрнида айтиш жоизки, ушбу янги ўқув биноси замонавий архитектура ва шаҳарсозлик талаблари асосида қад кўтарди.
Унда 50 та ўқув-аудитория, физика, кимё ва биология йўналишларига мослаштирилган 12 та замонавий ўқув-лаборатория, 4 та 150 ўринли маъруза заллари, 1 та маънавият зали, 2 та компютер хоналари ҳамда Ахборот ресурс маркази мавжуд.

Шунингдек, Талабалар турар жойи 5 қаватдан иборат бўлиб, 700 ўринга мўлжалланган. Бинода 5 та дарс тайёрлаш хоналари, 5 та ошхона, 10 та ювиниш хоналари ва бошқа барча қулайликларга эга.