Жойларда "Талабаларни турар жой билан таъминлаш" марказлари ташкил этилиб, талабалар аҳоли уйларига ижара шартномаси асосида жойлаштирилмоқда. Уйини талабаларга ижарага берган уй эгаларидан даромад солиғи ундирилмайди.
Бу ҳақда Олий таълим, фан ва инновациялар вазирлиги хабар берди.
Солиқ кодексининг 378 моддасида солиқ солинмайдиган даромад турлари келтирилган бўлиб, ушбу модданинг 19.1 бандида талабаларга ижарага беришдан олинган даромадларига солиқ солинмайди деб кўрсатилган.
Юқоридаги асосга кўра, талабаларни ўз уйларига ижарага қўйиш орқали ижара ҳақидан даромад топаётган шахсларнинг ушбу даромадларидан даромад солиғи олинмайди.
Бугун Вазирлар Маҳкамасининг 2021 йил 9 сентябрдаги 563-сонли қарорига асосан Ислом Каримов номидаги ТДТУ Олмалиқ филиалида Давлат-хусусий шериклик асосида 500 ўринга мўлжалланган талабалар турар жойи қуриб, фойдаланишга топширилди.
Олий таълим, фан ва инновациялар вазирининг 2024 йил 30 июлдаги «Олий таълим муассасалари талабаларини турар жой билан таъминлаш чора-тадбирларини амалга ошириш тўғрисида»ги буйруғи асосида 2024/2025 ўқув йили бошланиши арафасида талабаларни муносиб кутиб олиш, ўқув йилининг дастлабки кунларида талабаларни турар жой билан тезкор таъминлаш бўйича юзага келадиган жиддий муаммоларни ўз вақтида бартараф этиш мақсадида 1 августдан 10 сентябргача бўлган муддат «долзарб қирқ кунлик» сифатида белгиланган эди.
Жойларда "Талабаларни турар жой билан таъминлаш" марказлари ташкил этилиб, талабалар аҳоли уйларига ижара шартномаси асосида жойлаштирилмоқда. Уйини талабаларга ижарага берган уй эгаларидан даромад солиғи ундирилмайди.
