Томонлар Ўзбекистон ва ТДТ ўртасидаги турли йўналишларда муносабатларни ривожлантиришдаги ижобий суръат мамнуният билан қайд этдилар. Ташкилотнинг 2022 йил ноябрь ойида бўлиб ўтган Самарқанд саммити якунлари бўйича қабул қилинган стратегик қарорларни амалга оширилиш жараёни муҳокама этилди.
Савдо-иқтисодий алоқаларни кенгайтириш, ТДТ минтақасининг транспорт-транзит салоҳиятидан фойдаланиш, АКТ, рақамли ва яшил иқтисодиёт соҳаларида қўшма лойиҳаларни амалга ошириш, туризм, таълим ва маданият йўналишларида ўзаро ҳамкорлик масалалари кўриб чиқилди.
К.Омуралиев Ташкилот Котибияти Ўзбекистоннинг ТДТга раислигидан кўзланган мақсад ва вазифаларни амалга оширишда фаол иштирок этишга тайёрлигини маълум қилди.
Мулоқот чоғида минтақавий кун тартибидаги долзарб масалалар ҳам кўриб чиқилди, деб хабар беради Ташқи ишлар вазирлиги матбуот хизмати.