Халқ депутатлари Сурхондарё вилояти Кенгашининг 2023 йил 22 декабрдаги қарори билан, эндиликда Термиз шаҳрида йирик ҳажмли ва оғир вазнли (юк кўтариш қобилияти 8 тоннадан юқори бўлган) транспорт воситаларининг ҳаракати чекланди.
Ҳаракатланиш алоҳида ҳолларда Термиз шаҳар ҳокимлиги, «Сурхондарёавтойўл» ҳудудий йўллардан фойдаланиш ташкилоти ва вилоят Йўл ҳаракати хавфсизлиги бошқармаси билан ўзаро тасдиқланган келишув (схема) орқали амалга оширилиши белгиланган.