Нашрнинг тушунтиришича, гап Россиядан импорт қилинадиган маҳсулотларга 500 фоизлик бож тўлашни назарда тутувчи қонун лойиҳасини қўллаб-қувватлаш ҳақида кетмоқда, бу амалда глобал нефть эмбаргосига айланиши мумкин.
The Times нашрининг ёзишича, бундай ёндашувга Трампнинг Россия Президенти Владимир Путиннинг музокаралардан бош тортгани ва Украинадаги тинч аҳоли манзилларига зарбалар беришни давом эттираётганидан норозилиги сабаб бўлган.
Нашр шунингдек, асосий масала иқтисодий оқибатлар хавфи билан боғлиқ эканлигини ёзади. Оқ уй санкцияларни бекор қилиш президент ваколатлари доирасида қолишини истайди, Конгресс эса чекланган назоратни таклиф қилмоқда.
Аввалроқ Трамп муҳим баёнот билан 14 июль куни чиқиш қилишини хабар қилинганди. Оқ уй раҳбари ҳеч қандай тафсилотларни ошкор этишдан бош тортди, бироқ Москванинг ҳаракатларидан ҳафсаласи пир бўлганини таъкидлади. Бундан сал олдин АҚШ Президенти Россияга “кичик сюрприз” қилишни ваъда қилган эди.
Май ойида ташқи ишлар вазири Сергей Лавров Россия ҳар доим музокаралар тарафдори бўлганини, Украина эса Путин ва унинг ҳукумати билан алоқаларни тақиқловчи фармонни имзолаганини яна бир бор эслатган эди, деб хабар беради gazeta.ru.
