Ушбу тадбирда филиал жамоаси томонидан қадриятларимизни тараннум этувчи урф-одат ва анъаналаримиз акс этган декорациялар, миллий либослар, миллий таомлар, ҳунармандчилигимизни намоён этадиган ва баҳорий кайфият бағишлайдиган кўргазмалар ҳамда миллий рақс ва куй қўшиқлар намойиш этилди.
Юртимиздаги қадриятлар билан уйғунлашган байрам сайлида Филиал директори А.Самадов ҳам иштирок этиб, жамоа аъзоларини она табиатнинг энг гўзал байрами билан табриклаб, касбий фаолиятларида зафарлар тилади.
Байрам сайли ижодкор талабаларнинг концерт дастури, спорт мусобақаларига уланиб кетди.
Баҳорий таомлар билан безатилган дастурхонлар, халқона ўйин-кулгилар ва қизиқарли мусобақалар барчага қувонч улашди.
Ҳамкорлик материали
