Бугун Тошкент метрополитени вагон паркига яна янги тўрт вагонли 3 та замонавий метро поездлари олиб келинди, дея хабар беради метрополитен матбуот хизмати.
Таъкидланишича, ушбу ҳаракат таркиблари белгилан йўриқномага асосан, 7-10 кун давомида техник синовдан ўтказилиб, сўнгра йўловчиларга хизмат қилиши йўлга қўйилади.
Шунингдек, йўналишлардаги вақт интервалларини янада қисқартириш мақсадида, янги ҳаракат таркиблари асосан, «Ер усти ҳалқа йўли йўналиши»да ҳаракатга чиқарилади.
Шу йилнинг 10 февраль куни ижтимоий тармоқларда “Буюк ипак йўли“ метро бекатида катта тирбандлик юзага келгани бўйича хабарлар тарқалди. Ҳолат юзасидан “Тошкент метрополитени“ ДУК муносабат билдирди.
