Маълумотга биноан, пойтахт ҳавосида PM10 заррачалари миқдори 125 мкг/м³ ни ташкил этиб, белгиланган меъёрдан ошмаган.
Шу билан бирга, PM2.5 майда дисперсли заррачалар концентрацияси 70,2 мкг/м³ гача кўтарилиб, рухсат этилган меъёр (60 мкг/м³)дан 1,2 марта юқори қайд этилди.
IQAir порталига кўра, 3 декабрь куни Тошкент ҳавоси ифлос шаҳарлар рейтингида 23-ўринни эгаллаб турибди.
Ўзгидрометнинг таъкидлашича, ҳаво ҳароратининг кескин ўзгариши инверсия ҳодисасини юзага келтирган бўлиб, у майда заррачаларнинг ҳавода тўпланиши ва уларнинг концентрациясини ошишига сабаб бўлмоқда.
