Хусусан, айни вақтда Чирчиқ ва Янгийўл шаҳарлари халқ таълими бўлими тасарруфидаги мактабларда қуёш панелларини ўрнатиш керак бўлган жойларни белгилаш ва қурилиш ишларига тайёргарлик кетмоқда.
Чирчиқ шаҳридаги 3-, 4-, 7-, 9-, 20-сонли умумтаълим мактабларида бу борадаги дастлабки ишлар жадал давом этмоқда.
Худди шундай, Янгийўл шаҳар ҳалқ таълими бўлими тасарруфидаги 4 та умумтаълим муассасасида, жумладан, 2-, 3-, 6-,10-сонли мактабларда Ўзбекистон Республикаси Халқ таълими вазирлиги томонидан ҳомийлик асосида қуёш панелларини ўрнатиш ишлари олиб борилмоқда.
Ушбу таълим муассасаларининг электр энергиясига бўлган эҳтиёжига асосан “Бахт” МФЙда жойлашган 2-сонли мактаб, “Рамадон” МФЙда жойлашган 3-сонли мактаб ва “Мезон” МФЙда жойлашган 10-сонли мактабларда 15 кВт қувватли, “Бахт” МФЙда жойлашган 6-сонли мактабда 25 кВт қувватли қуёш батареялари ўрнатилмоқда.
