“Тошкент” халқаро аэропортидаги эстакада орқали йўл белгилари янгиланиши муносабати билан 24–25 май кунлари чекланган йўл ҳаракати тикланди, деб хабар бермоқда “Uzbekistan Airports” АЖ.
Унда айтилишича, йўловчилар ва кузатувчилар учун Тошкент халқаро аэропорти эстакадасига кириш бeпул.
Терминалга эстакада орқали чиқиш қоидалари:
- эстакаданинг ўнг чизиғи туристик автобуслар ва микроавтобуслар учун, чап чизиғи таксилар учун мўлжалланган;
- йўловчиларни эстакадада қисқа муддатга тушириш/олиш автомобиллар учун 5 дақиқадан, туристик автобуслар ва микроавтобуслар учун — 10 дақиқадан ошмаслиги лозим;
- эстакаданинг ўнг ва чап қаторларини ажратиб турувчи сариқ чизиқда тўхташ тақиқланади ва қоидабузарлик ҳисобланиб, жарима солиниши мумкин.
Эстакадада бир вақтнинг ўзида 30 тагача енгил автомобиль ёки сайёҳлик автобуслари билан бирга 17 тагача автомобиль бўлиши мумкин.
