Тошкент халқаро аэропортидаги эстакада чиқиш чекланади

    Транспорт 8 декабр 2023 889

    Тошкент халқаро аэропортида кенг кўламли реконструкция ишлари бошланди.

    Шу муносабат билан 8 декабрь соат 12:00 дан бошлаб Тошкент халқаро аэропортидаги йўл ўтказгичга (эстакада) чиқиш чекланади.

    Автотранспорт воситалари ва туристик автобусларнинг кириши учун халқаро терминал автотураргоҳи ёнида алоҳида йўловчи тушириш йўлаги ташкил этилади.

    Шунингдек, терминалда реконструкция ишлари олиб борилиши муносабати билан Тошкент халқаро аэропортининг учиб кетиш залига кузатувчиларнинг кириши вақтинча чекланади.

    «Uzbekistan Airports» компанияси вақтинчалик ноқулайликлар учун узр сўради.