Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Ўтказилган тезкор тадбирда ноқонуний дори воситалари савдоси билан шуғулланиб келган С.Э. ва С.А. фуқаро Э.М.га тегишли ҳужжатлари бўлмаган 3 250 қути "Nicozone-S", 2 240 қути "Gracide-S", 700 қути "Urolim-L", 3 000 дона "Бензилпенициллина" ва 600 дона "Ампициллин Сулбактам" дори воситаларини 110 млн сўмга сотган вақтида ашёвий далиллар билан ушланган.

Ҳозирда мазкур ҳолат юзасидан Жиноят кодексининг 186-3 моддаси (дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.