“Шарқий залдаги кўп томонлама учрашув якунланди”, дейилади хабарда.
Аввалроқ Украина ОАВлари Зеленскийнинг матбуот котиби Сергей Никифоровга таяниб, Овал кабинетда “раҳбарлар иштирокида” музокаралар танаффусдан кейин қайта бошлангани ҳақида хабар берган эди.
Американинг Axios портали Трамп Россия етакчиси Владимир Путин билан телефон орқали мулоқот қилганини ёзди. Германиянинг Bild нашри АҚШ Президенти Зеленский ва Европа етакчилари билан учрашувни шу мақсадда тўхтатганини таъкидлади, бироқ Оқ уй, Fox Newsга кўра, бу маълумотни тасдиқламади.
Трамп душанба куни кечқурун, Москва вақти билан Зеленский ва Европа етакчилари билан музокаралар ўтказди. Очиқ қисм ярим соатдан сал камроқ давом этди.
Музокараларда НАТО Бош котиби Марк Рютте, Еврокомиссия раҳбари Урсула фон дер Ляйен, Буюк Британия Бош вазири Кир Стармер, Франция Президенти Эммануэль Макрон, Германия канцлери Фридрих Мерц, Финляндия Президенти Александр Стубб, Италия Бош вазири Жоржа Мелони ва Владимир Зеленский иштирок этди.
Трамп, хусусан, очилиш нутқида шундай деди:
у Европа Иттифоқи етакчилари ва Киев режими раҳбари билан учрашув якунлари бўйича келишувларга эришилишини кутмоқда, бу эса Россия билан уч томонлама учрашувга олиб келади;
“мумкин бўлган ҳудудлар алмашинуви”ни муҳокама қилишни режалаштирмоқда;
учрашув якунлари бўйича деярли барча масалалар, жумладан, хавфсизлик бўйича келишувларга эришилишини кутмоқда;
Украина бўйича уч томонлама учрашув ташкил этиш ниятида.
Зеленский, ўз навбатида, Трамп билан музокараларни “жуда яхши” деб атади ва АҚШ Украинага хавфсизлик кафолатларини беришга тайёрлиги ҳақида ишора бераётганини айтди, деб хабар берди ria.ru.
