Жумладан, Самарқанд ва Олмаота, Туркистон ва Тошкент шаҳарлари ўртасида мунтазам авиақатновлар йўлга қўйилди.
Бугун маҳаллий вақт билан 12:55да 180 нафар йўловчидан иборат илк самолёт Ислом Каримов номидаги Тошкент халқаро аэропортига келиб қўнди.
– Бизнинг бир оёғимиз Ўзбекистонда, бири Қозоғистонда, – дейди қозоғистонлик Дилноза Ибрагимова. – Боиси бу ерда қариндош-уруғ, дўсту қадрдонларимиз бор. Йилда уч-тўрт бора Тошкент шаҳрига келиб, уларни зиёрат қилиб кетамиз. Шу баҳона пойтахтдаги катта ўзгаришларни кўриб, янгиланамиз. Фазандларимиз ёш бўлгани учун, совуқ бор, иссиқ бор – машинада келиб-кетишга қийналардик. Энди эса оғиримиз енгил бўлди.
Мазкур йўналишдаги парвоз ҳафтада икки марта – душанба ва пайшанба кунлари амалга оширилади.