Бу қарор Туркиянинг ўз чегаралари устидан назоратни кучайтириш сиёсатида муҳим қадам бўлди. Мамлакат ғарбидаги янги конструкциянинг умумий узунлиги 8,5 километрни ташкил қилади.
Маълум бўлишича, бу чора-тадбирлар миграция оқими устидан назоратни кучайтириш ва ноқонуний муҳожирликка қарши курашишга қаратилган. Панжара ва девор қурилиши минтақада хавфсизликни ошириш ва чегарани ноқонуний кесиб ўтиш билан боғлиқ хавфларни камайтиришга қаратилган.
Лойиҳа Туркиянинг ғарбий чегарасини ноқонуний йўллар билан кесиб ўтишга уринишлар кўпайиши ортидан, айниқса қўшни давлатлардаги иқтисодий ва сиёсий ўзгаришлар шароитида бошланган.
Туркия ҳукумати янги тузилма икки давлат чегарасида контрабанда ва бошқа ноқонуний ҳаракатларга қарши курашда ҳам ёрдам беришини таъкидламоқда. Эдирне ҳокими Юнус Сезер 325 километрлик чегара йўлларини ободонлаштириш ва қуриш ишлари ўтган йилнинг сентябрь ойида якунланганини айтди. Жорий йилда Туркия Ички ишлар вазирлиги ва Миллий мудофаа вазирлиги кўмагида оптик-электрон миноралар ва бошқа техник воситалар қурилиши давом эттирилади, деб хабар беради inform.kz.
