Маълумотларга кўра, шу йилнинг 15 январь куни Истанбул шаҳридаги Бош консулхонага тўрт нафар Ўзбекистон фуқаросининг (барчаси эркак киши) сохта спиртли ичимлик истеъмол қилиш оқибатида вафот этгани бўйича мурожаат келиб тушди.
Шунингдек, Бош консулхона дипломатлари ушбу ҳолат юзасидан Истанбул соғлиқни сақлаш, суд-тиббий экспертиза бошқармаси ҳамда ҳуқуқни муҳофаза қилиш органлари билан доимий алоқада бўлиб турибди.
Эслатиб ўтамиз, 14 январь куни 6 нафар Ўзбекистон фуқароси Туркияда спиртли ичимликдан заҳарланиб вафот этганди.
