2024 йил 9 сентябрь куни Ўзбекистон фахрий консулхонаси Туркиянинг Трабзон шаҳрида расман очилди. Бунга қадар шу каби ваколатхона Бурса, Адана, Анталия вилоятларида бўлган.

Ўзбекистон Республикасининг Истанбул шаҳридаги Бош консулхонасининг хабар беришича, фахрий консулхона Трабзон вилоят ҳокимлиги (валилик) биноси қаршисида жойлашган. Фахрий консуллик – бу давлатлар ўртасидаги савдо, маданий ва дипломатик алоқаларни ривожлантириш мақсадида очиладиган ваколатхонадир.