Аввалроқ 83 киши ҳалок бўлгани ҳақида хабар берилган эди.

South China Morning Postнинг хабар беришича, ёнғин хизмати маълумотларига кўра, жасадларнинг аксарияти ёнғин кўпроқ авж олган еттита бинодан иккитасида топилган. Куйиш жароҳатини олганлар ва жабрланганлар сони 155 нафарга етди. Илгари тахминан 100 киши жароҳатлангани ҳақида хабар берилган эди. Куйиш жароҳатини олган ва жароҳатланганлар орасида ўн битта ўт ўчирувчи ҳам бор.

Ёнғин чоршанба куни саккизта кўп қаватли бинодан иборат Wang Fuk Court кўп қаватли турар-жой мажмуасида бошланган. Битта бино деярли шикастланмаган, еттитаси эса аланга ичида қолган. Ёнғин косметик таъмирлаш учун биноларга ўрнатилган бамбук искала орқали тарқалди. Мажмуада қарийб 2000 та квартира мавжуд бўлиб, унда тахминан 4000 киши истиқомат қилади, деб хабар берди tass.ru.