Кириб келаётган янги йил арафасида Хонқа туманининг Дўстлик маҳалласида 4 та беш қаватли турар жойлар фойдаланишга топширилди ва 80 нафар хонадон эгалари шинам, замонавий уйлар калитларини олишди.
Эътиборлиси, янги уйларнинг 68 таси эҳтиёжманд оилалар учун ажратилиб, уларга давлат томонидан бошланғич бадаллар субсидия асосида тўлаб берилди.
Беш қаватли бу кўркам турар жойлар маҳалладаги янги аҳоли масканига кўрк бағишлади. Кейинги йили ҳам бу ерда беш ва етти қаватли турар жойлар қуриш режалаштирилган.
Рўзимбой Ҳасан,
“Янги Ўзбекистон” мухбири
