2025 йил 1 январь соат 17:00 ҳолатига кўра, мамлакатимизда жами 1040 нафар чақалоқ дунёга келди.
Уларнинг 492 нафари ўғил, 548 нафари қиз фарзандлардир.
Энг кўп туғилиш Фарғона вилоятида (154 нафар) қайд этилди. Шунингдек, ҳудудлар кесимида кейинги ўринларни Қашқадарё вилояти (119 нафар), Тошкент шаҳри (112 нафар), Самарқанд вилояти (101 нафар), Сурхондарё вилояти (89 нафар) банд этди.
Энг кам туғилиш эса Навоий вилояти (18 нафар) ҳиссасига тўғри келди.
Эътиборлиси, туғилганлар орасида 7 эгизак (жами 15 нафар бола) бор, яъни 12 нафари икки ҳомилалик, 3 нафари эса уч ҳомилалик эгизакдир.
2018 йилнинг худди шу куни 1961 нафар, 2019 йилда 1708 нафар, 2020 йилда 1974 нафар, 2021 йилда 1644 нафар, 2022 йилда 2316 нафар, 2023 йилда 2155 нафар, 2024 йилда эса 1859 нафар чақалоқ туғилган эди.
Ўзбекистонда биринчи ярим йилликда тирик туғилган чақалоқлар сони 419,9 минг кишини ташкил этди. 2023 йилнинг мос давридагига нисбатан туғилган чақалоқлар сони 14 700 нафарга кам бўлди. Шундан ўғил болалар сони 218,1 минг нафар, қиз болалар 201,8 минг нафар бўлган.
