Ҳужжат билан қуйидагилар ёқилғи-энергия ресурсларидан фойдаланиш устидан давлат назоратининг устувор йўналишлари этиб белгиланди:
ёқилғи-энергия ресурсларидан ноқонуний фойдаланиш, уларни талон-торож қилиш ҳолатларининг олдини олиш ва уларга барҳам бериш;
ёқилғи-энергия ресурсларини ишлаб чиқариш, қайта ишлаш (қазиб олиш), узатиш (ташиш), сақлаш, тақсимлаш ва истеъмол қилиш, уларни миқдор жиҳатидан сақлаш жараёнига “рақамли энергоназорат” тизимини тўлиқ жорий этиш;
қонунчилик ҳужжатларининг ўз вақтида ва тўлиқ ижро этилишини таъминлаш;
ёқилғи-энергия ресурсларининг сарфланишини, сифатини доимий ўрганиб бориш, ёқилғи-энергия ресурсларидан фойдаланиш талабларига қатъий риоя қилиниши устидан кунлик назорат ўрнатиш.
Ёқилғи-энергия ресурсларидан оқилона фойдаланишда жамоатчилик назоратини ўрнатиш мақсадида 2023 йил 1 сентябрдан бошлаб аҳоли томонидан Энергетика вазирлигининг махсус ахборот тизимига юборилган электр, иссиқлик энергияси, газдан фойдаланиш қоидаларини бузиш билан боғлиқ ҳуқуқбузарликлар ҳақидаги фотосуратлар ва видеоёзувлар белгиланган тартибда кўриб чиқилади. Ҳуқуқбузарликлар тўғрисидаги фотосуратлар ва видеоёзувларни юборган шахслар пул мукофоти билан рағбатлантирилади.
Қуйидагилар тасдиқланди:
Ёқилғи-энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича республика штаби таркиби;
Ёқилғи-энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича ҳудудий (туман (шаҳар) штабларнинг намунавий таркиби;
Ёқилғи-энергия ресурсларидан фойдаланиш устидан давлат назоратини янада кучайтириш бўйича “йўл харитаси”.
Ҳужжат Қонун ҳужжатлари маълумотлари миллий базасида эълон қилинган ва 2023 йил 26 майдан кучга кирди, деб хабар беради “Norma”.
