Нызам азық-аўқат қәўипсизлиги тараўындағы қатнасықларды тәртипке салады.

Нызам халықтың азық-аўқат баҳасына ийе болған азық-аўқат өнимлери менен қәўипсиз аўқатланыўын тәмийинлеўге, нәтийжели базар механизмлерин қәлиплестириўге және азық-аўқат өнимлери ҳәм шийки затын ислеп шығарыўға байланыслы қолланылады.

Министрлер Кабинети азық-аўқат қәўипсизлиги тараўында бирден-бир мәмлекетлик сиясаттың әмелге асырылыўын тәмийинлейди ҳәм Өзбекстанда азық-аўқат өнимлериниң жетиспеўшилиги жүзеге келгенде азық-аўқат қәўипсизлигин тәмийинлеў бойынша оператив илажларды белгилейди.

Аўыл хожалығы министрлиги азық-аўқат қәўипсизлиги тараўындағы ўәкилликли мәмлекетлик уйым есапланады.

Азық-аўқат қәўипсизлиги тараўында мәмлекет тәрепинен қоллап-қуўатлаўдың мақсети мәмлекет халқының социаллық әҳмийетке ийе тийкарғы түрдеги азық-аўқат өнимлерине болған талапларын жергиликли азық-аўқат өнимлери ҳәм шийки затын ислеп шығарыў есабынан қанаатландырыўдан ибарат.

Азық-аўқат өнимлериниң тутыныў нормалары мәмлекеттиң демографиялық, социаллық ҳәм экономикалық көрсеткишлерине тийкарланып ҳәр 3 жылда қайта көрип шығылады.

Нызам рәсмий жәрияланған күннен баслап 6 ай өткеннен кейин күшке киреди.