Маълумки, бугунги кунда бутун дунёда ўсимликларни ҳимоя қилишда экологик хавфсиз воситаларни кенг жорий этишга эътибор қаратиляпти. Ана шундай хавфсиз ва самарали биологик воситалардан бири фойдали нематодалар.
Мазкур турдаги микроорганизмларни 100 туркумга кирувчи 200 турдаги ўсимликларнинг зарарли ҳашаротларига қарши қўллаш мумкин.
Олдинги усулда микроорганизмлар лаборатория шароитида кўпайтирилиб, сувли суспензияда 20-40 мл дан оналик материали тарқатилар эди. Бунда сақлаш вақти ва муҳити чегараланган бўлиб, баъзан оналик материалидаги фойдали нематодалар манзилга етказилгунига қадар нобуд бўларди.
Янги технология бўйича фойдали нематодаларнинг оналик материалларини йил давомида сақлаш ва кўпайтириш мумкин.
