баннер
Сайт тест режимида ишламоқда
Лого Лого-пв-уз

    2022 йил ҳосили учун Тошкент вилоятида 103 минг 845 гектар майдонга ғалла экилади

    Агросектор 25 октябр 2021 153

    Кейинги йилларда пахта, бошоқли дон экинлари уруғларига давлат томонидан буюртма бериш, уруғ тайёрлаш ва уни қайта ишлаш ҳамда сақлаш бўйича талабларга риоя қилиниши, қишлоқ хўжалиги экинлари навларининг генетик софлиги ва уруғлик сифатига алоҳида эътибор қаратиляпти.

    Тошкент вилоятида 2022 йил ҳосили учун 103 минг 845 гектар суғориладиган майдонга ғалла экиш режалаштирилган.

    Ушбу ғалла экиладиган майдонларни юқори сифатли уруғликлар билан таъминлаш мақсадида вилоят бўйича мавжуд 3 та дон корхоналари томонидан 30 минг 215 тонна, «Нурли Диёр» МЧЖ томонидан 1 минг 500 тонна, «Агровер» МЧЖ томонидан 35 тонна сара уруғлик дон қабул қилинган.

    Вилоят бўйича жамғарилган бошоқли дон уруғликлари дон корхоналари тасарруфидаги 7 та уруғлик дон тайёрлаш цехлари томонидан тозаланиб, сараланиб, дориланади ва қадоқланади.

    Айни кунларда далаларга ғалла экиш жараёнлари пешма пеш олиб бориляпти, деб хабар беради Тошкент вилояти ҳокимлиги матбуот хизмати.