Ёзнинг иккинчи ойида ўртача глобал ҳарорат Цельсий бўйича 16,95 даражани ташкил этди. Бу 2019 йилда қайд этилган аввалги максимал кўрсаткичдан 0,3 даражага юқори.
Июль ойида АҚШнинг жануби-ғарбий қисмида, Мексикада, шунингдек, Европа ва Осиёнинг бир қанча мамлакатларида ғайритабиий юқори ҳарорат кузатилди. Мазкур ойнинг 2 санасидан бошлаб ҳарорат рекордлари қайд этила бошлади. Климатологлар бу ой рекорд даражадаги энг иссиқ ой бўлиши мумкинлигини олдиндан тахмин қилишди ва август ойи бошида ўтказилган ҳисоб-китоблар буни тасдиқлади.
2023 йил июль ойи саноатгача бўлган даврга нисбатан ўртача 1,5 даражага, 1991-2020 йилларга нисбатан эса 0,7 даражага иссиқ бўлган, деб хабар беради mir24.tv.