50 ёшдан ошгандан сўнг, кунлик рационга дон маҳсулотларини киритиш тавсия этилади, бироқ уларни рафинадлангани эмас, балки бутун донли крекерлар шаклида енгил тамадди сифатида ёки шўрва, пишлоқ билан истеъмол қилиш мумкин.

Бундан ташқари, ёнғоқ-бодом, кешью, грек ва ўрмон ёнғоқлари, писта истеъмол қилиш ҳам фойдали. Ушбу маҳсулотлар оқсил ва фойдали ёғларга тўла. Шунингдек, резаворлар (қулупнай, малина, қорағат, клюква) ҳам организмга фойдали бўлади. Уларни йогурт, ёки смузи билан истеъмол қилиш мумкин.

Гарнир сифатида оқ ловия ейиш керак. Ва албатта сабзавотлар ҳақида ҳам унутмаслик лозим. Крахмалга бой – картошка, нўхат ва маккажўхорилар таркибида углеводлар кўп, айниқса, ширин картошка А витаминига тўйинган.