Бу ҳақда Олий таълим, фан ва инновациялар вазирлиги хабар берди.
Қайд этилишича, аризаларни кўриб чиқиш натижасида кўплаб мурожаатлар турли муайян (танланган мутахассислик битирувчининг таълим йўналиши бўйича мос ёки турдош эмаслиги, сўралган ҳужжат ўрнига бошқа ҳужжат юкланган ёки тўлиқ юкланмаган, юкланган ҳужжатлар сифатсизлиги ҳамда бошқа сабаблар) сабабларга кўра рад этилган.
Шуни инобатга олиб, 1–30 июль кунлари magistr.edu.uz тизимидан магистратурага ўқишга кириш учун ариза юборган ва камчиликлар мавжуд бўлганлиги сабабли аризаси рад этилган талабгорларга 6–8 август кунлари аризаларни қайта таҳрирлаш имконияти яратилди.
Ушбу муддатдан сўнг таҳрирлашга йўл қўйилмайди ва камчиликлар бартараф этилмаган аризалар кўриб чиқилмайди.
Эслатиб ўтамиз: хорижий тилни билиш даражаси бўйича тегишли миллий ёки халқаро сертификати талаб даражасида бўлмаганлиги сабабли рад этилган аризаларни таҳрирлаш тавсия этилмайди, мазкур ҳолда қайта таҳрирланган аризалар эса кўриб чиқилмайди.
