Бугун, 23 декабрь куни Ўзбекистон Республикасининг биродар афғон халқига 63 вагонда озиқ-овқат, кийим-кечак ҳамда кўмир маҳсулотларидан иборат навбатдаги инсонпарварлик ёрдами ортилган эзгулик поезди Термиз шаҳридаги "Айритом" чегара ўтказиш пункти орқали Афғонистоннинг Мозори Шариф шаҳрига жўнатилди.
Юк поездининг 23 вагонига 1000 тонна ун, 60 тонна шакар, 200 тонна гуруч, 10 минг дона ёғ, 26 минг 500 дона мураббо, 26 минг 200 дона сабзавот концерваси, 30 тонна пишириқ, 14 минг 200 дона бир марталик тайёр овқат (доширак), 20 минг дона аёллар ва эркаклар кийими, 15 минг дона эркаклар, аёллар ва болалар пайпоғи жойланган.
Шунингдек, 40 вагонга кўмир ёқилғиси юкланган.
Ўзбекистоннинг Афғонистондаги янги тайинланган Фавқулодда ва мухтор элчиси Ойбек Усмонов Толибон муваққат ҳукумати ташқи сиёсат идораси раҳбари Мавлавий Амирхон Муттақийга ишонч ёрлиғи нусхасини топширди.
Сафар асносида мамлакатимиз томонидан барпо этилаётган Балҳ вилоятидаги Имом ал-Бухорий мадрасаси, Мозори Шариф шаҳрида жойлашган “Равзаи Шариф” масжид-мажмуаси, Кобул шаҳридаги “Пағмон қасри” мажмуаси кабиларни зиёрат қилинди.
Ўзбекистон ташқи ишлар вазири Бахтиёр Саидов кеча Афғонистон дипломатик ваколатхонасининг янги раҳбари Абдул Ғаффор Теравийни қабул қилди, деб хабар қилмоқда Дунё АА.
Қатарда таълимни тажовузлардан ҳимоя қилиш халқаро куни муносабати билан давра суҳбати уюштирилди. Унда Президент ёрдамчиси Саида Мирзиёева ҳам иштирок этди.
Маълумки, айни даврда Ўзбекистон Афғонистонни ижтимоий-иқтисодий ва гуманитар жиҳатдан қайта тиклашга кўмаклашиш борасидаги ҳамкорликка йирик трансминтақавий инфратузилма лойиҳаларини илгари сурган ҳолда ўзининг муносиб ҳиссасини қўшиб келмоқда.
