Бу ҳақда Khaama.com сайти хабар берди.

6,3 магнитудали зилзила Афғонистон шимолида, Мозори-Шарифдан 45 километр шарқ-жануби-шарқда содир бўлди. Зилзила Қозоғистоннинг Туркистон вилоятида ҳам сезилди.

Зилзила эпимаркази Балх вилоятидаги Мозори-Шариф яқинида бўлган. Расмийларга кўра, камида 20 киши ҳалок бўлган ва 75 дан ортиқ киши жароҳатланган. Аввалроқ етти киши ҳалок бўлгани ва 150 киши жароҳатлангани ҳақида хабар берилган эди. Қутқарув ишлари давом этар экан, қурбонлар сони ортиши кутилмоқда.

Қўшни Саманган вилоятида камида икки киши ҳалок бўлгани ва қарийб 200 киши жароҳатлангани ҳақида хабар берилган. Саманган ва Балх ўртасидаги асосий йўл тош қулаши ва вайроналар билан тўсилиб қолган, бу эса саёҳат ва ёрдам етказиб беришга тўсқинлик қилган.

ОАВ шунингдек, Мозори-Шарифдаги дунёга машҳур Мовий масжиднинг қисман вайрон бўлгани ҳақида хабар бермоқда. Мовий масжид Мозори-Шарифнинг рамзи ва ўзига хос ташриф қоғозидир: баъзи манбаларга кўра, у тўртинчи солиҳ халифа, Муҳаммад пайғамбарнинг куёви ва амакиваччаси Али дафн этилган деб тахмин қилинадиган жойлардан бири ҳисобланади, деб хабар берди tengrinews.kz.