Diario Sport хабарига кўра, Саудия Арабистони клуби аргентиналик 35 ёшли юлдуз билан 6 июнь кунигача шартнома имзолаб, сешанба куни бу ҳақда расман эълон қилишни хоҳламоқда. Ар-Риёд клуби раҳбарияти тезроқ футболчининг розилигини олиб, трансферни расмийлаштириш мақсадида бу санани белгилаган.
Месси ҳам фаолиятини қаерда давом эттириши бўйича масалани чўзмоқчи эмас. У бугун «ПСЖ» таркибидаги сўнгги учрашувини ўтказади.
«Барселона» ҳам Мессини қайтаришни истаётган бўлишига қарамай, ҳали футболчига расмий таклиф бера олмаяпти.
Аввалроқ, «Ал-Ҳилол» Мессига йиллик 400 миллион евро маош таклиф қилаётгани ҳақида хабарлар тарқалганди.
Маълумот учун, Лионель жорий мавсум Франция чемпионатидаги 31 ўйинда 16та гол ва шунча ассистга муаллифлик қилди.
