Учрашувда гендер тенгликни таъминлаш бўйича ҳамкорлик ва истиқболдаги вазифалар муҳокама қилинди.
Мулоқот давомида меҳмон мамлакатимизда гендер тенгликни, хотин-қизларнинг ҳуқуқ ва манфаатларини таъминлаш, уларни ижтимоий- иқтисодий, сиёсий фаоллигини ошириш борасида амалга оширилаётган ислоҳотлар билан батафсил таништирилди.
Ўз навбатида, К.Борганьен мамлакатимизда гендер тенгликни таъминлаш борасида олиб борилаётган ишларни юқори баҳолади.
Учрашувда томонлар келгусида хотин-қизларнинг ижтимоий-сиёсий фаоллигини ошириш ҳамда аёлларнинг иқтисодий ҳуқуқ ва имкониятларини таъминлашга қаратилган лойиҳаларни амалга ошириш бўйича ўзаро келишувга эришдилар.
Ўзбекистон Республикаси Олий Мажлиси Сенати Ахборот хизмати.
