Арманистон Ташқи ишлар вазирлиги Озарбайжон билан келишувнинг тўлиқ матнини эълон қилди. Ҳужжат билан унинг расмий веб-сайтида танишиш мумкин.
Ҳужжатнинг биринчи моддасида айтилишича, Ереван ва Боку СССР иттифоқ республикалари чегараларида бир-бирини тан олади. Бундан ташқари, бир-бирига нисбатан ҳудудий даъволар йўқлиги эълон қилинади.
Шартномада, шунингдек, Арманистон ва Озарбайжон учинчи давлатларнинг қуролли кучларини умумий чегара бўйлаб жойлаштиришдан расман воз кечганлиги эълон қилинади. Иккала томон ҳам куч ишлатишдан воз кечади ва дипломатик муносабатлар ўрнатиш йўлини эълон қилади.
Матн инглиз, арман ва озарбайжон тилларида чоп этилган.
8 август куни АҚШ, Арманистон ва Озарбайжон етакчилари Дональд Трамп, Никол Пашинян ва Илҳом Алиев Ереван ва Боку ўртасидаги можарони тинч йўл билан ҳал қилиш бўйича қўшма декларацияни имзолади. Ҳужжат икки давлат ўртасида тўлақонли тинчлик шартномасини имзолаш йўлидаги биринчи қадам бўлди. Бу икки посцовет республикасининг 1991 йилда мустақилликка эришганидан бери ўзаро биринчи халқаро актидир, деб хабар берди lenta.ru.
